ផ្សព្វផ្សាយដោយក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា
គោលបំណង៖
ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា ជាស្ថាប័នជាតិដែលបង្កើតឡើងដើម្បីអភិរក្សនិងអភិវឌ្ឍភាសានិងអក្សរខ្មែរប្រកបដោយនិរន្តរភាពព្រមទាំងរក្សាបាននូវ អត្តសញ្ញាណជាតិខ្មែរ។
ក្រុមប្រឹក្សាជាតិភាសាខ្មែរ មានគណៈកម្មការបច្ចេកទេសចំនួន១៧គឺ៖
១. គណៈកម្មការកសិកម្ម
២. គណៈកម្មការគណិតវិទ្យា
៣. គណៈកម្មការគីមីវិទ្យានិងរូបវិទ្យា
៤. គណៈកម្មការបង្កើតពាក្យនិងកម្ចីពាក្យ
៥. គណៈកម្មការទស្សនវិជ្ជា
៦.គណៈកម្មការប្រវត្តិវិទ្យា
៧. គណៈកម្មការព័ត៌មានវិទ្យា
៨. គណៈកម្មការភាសាវិទ្យា
៩. គណៈកម្មការភូមិវិទ្យា
១០.គណៈកម្មការវប្បធម៌និងវិចិត្រសិល្បៈ
១១. គណៈកម្មការវិទ្យាសាស្ត្រនយោបាយ
១២. គណៈកម្មការវិទ្យាសាស្ត្រសេដ្ឋកិច្ច
១៣. គណៈកម្មការវិទ្យាសាស្ត្រអប់រំ
១៤. គណៈកម្មការវិទ្យាសាស្ត្រសុខាភិបាល
១៥. គណៈកម្មការស្ថាបត្យកម្មនិងសំណង់
១៦. គណៈកម្មការអក្ខរាវិរុទ្ធនិងអំណាន
១៧.គណៈកម្មការអក្សរសិល្ប៍។
គណៈកម្មការនីមួយៗមានភារកិច្ចប្រមូលពាក្យនិងកំណត់និយមន័យនៃពាក្យបច្ចេកទេស ដែលមាន ប្រើរួចមកហើយបង្កើតពាក្យថ្មីក្នុងជំនាញដោយដាក់ពាក្យបារាំងនិង/ឬពាក្យអង់គ្លេសដែលសមមូលជាមួយមេពាក្យក្នុងករណីដែលអាចដាក់បាន និងរៀបចំគ្រប់គ្រងប្រព័ន្ធទិន្នន័យបច្ចេកសព្ទរបស់ខ្លួនដើម្បីស្វែងរកការឯកភាពមុននឹងដាក់ជូនក្រុមប្រឹក្សាជាតិភាសាខ្មែរពិនិត្យនិងអនុម័ត។បច្ចេកសព្ទដែលបានអនុម័តរួចហើយដោយក្រុមប្រឹក្សាជាតិភាសាខ្មែរត្រូវបានបោះពុម្ពជាសទ្ទានុក្រម។
ស្របតាមការវិវត្តជឿនលឿននៃវិទ្យាសាស្ត្រនិងដើម្បីជំរុញការផ្សព្វផ្សាយឱ្យបានទូលំទូលាយដល់ស្រទាប់អ្នកអាននិងអ្នកសិក្សាស្រាវជ្រាវភាសាខ្មែរនៅទូទាំងប្រទេសនិងសកលលោក ក្រុមប្រឹក្សាជាតិភាសាខ្មែរបានបង្កើតសុសវែរសទ្ទានុក្រមអនឡាញដែលជាប្រព័ន្ធផ្សព្វផ្សាយបែបថ្មីនិងពេញនិយមក្នុងពេលបច្ចុប្បន្ន។
ការស្វែងរកពាក្យឬបច្ចេកសព្ទតាមបែបឌីជីថលដោយប្រើអ៊ីនធឺណិតឬកម្មវិធីទូរសព្ទឆ្លាតមានភាពងាយស្រួលនិងចំណេញពេលវលា។ សាធារណជននៅទូទាំងសកលលោកដែលមានបំណងស្វែងរកពាក្យឬបច្ចេកសព្ទថ្មីៗដែលក្រុមប្រឹក្សាជាតិភាសាខ្មែរបានអនុម័ត ដោយគ្រាន់តែប្រើអ៊ីនធឺណិតឬកម្មវិធីលើទូរសព្ទឆ្លាត មានលទ្ធភាពងាយស្រួលនិងចំណេញពេលវេលាក្នុងការស្វែងរកមេពាក្យជាភាសាខ្មែរដែលត្រូវគ្នានឹងពាក្យអង់គ្លេសនិង/ឬបារាំង។ សាធារណជនអាចស្វែងរកបច្ចេកសព្ទនៅក្នុងសទ្ទានុក្រមបានតាមរយៈកុំព្យូទ័រនិងទូរសព្ទឆ្លាតទាំងពីរប្រព័ន្ធ iOS និង Android ។
ក្រុមប្រឹក្សាជាតិភាសាខ្មែររង់ចាំទទួលដោយរីករាយនូវរាល់មតិយោបល់ស្ថាបនារបស់សាធារណជនទៅលើបច្ចេកសព្ទទាំងឡាយតាមរយៈវេបសាយ ហ្វេសប៊ុក និងអ៊ីមែលរបស់ក្រុមប្រឹក្សាជាតិភាសាខ្មែរ ដូចខាងក្រោម៖
Website: www.nckl.rac.gov.kh
Facebook: ក្រុមប្រឹក្សាជាតិភាសាខ្មែរ
Email: nckl@rac.gov.kh
អ. sanctions of war laws
បារ. sanctions (f.) en application (f.) des lois (f.) de guerre (f.)
ជាវិធានការផ្លូវច្បាប់ស្ដីពីការដាក់ទោសចំពោះអ្នកដឹកនាំរដ្ឋឬក្រុមមនុស្សណាមួយដែលមិនគោរពច្បាប់សង្គ្រាមអន្តរជាតិក្នុងការធ្វើសង្គ្រាម។ ច្បាប់អន្តរជាតិ ជារឿយៗត្រូវបានគេរិះគន់ដោយហេតុថាគ្មានការដាក់ទណ្ឌកម្ម។ ជាការពិតណាស់បើប្រៀបធៀបទៅនឹងច្បាប់របស់រដ្ឋ ច្បាប់អន្តរជាតិមានការដាក់ទណ្ឌកម្មតិចតួចណាស់។ ច្បាប់សង្គ្រាម ជាញឹកញាប់ត្រូវបានគេរំលោភបំពាន ប៉ុន្តែ ច្បាប់អន្តរជាតិពុំមានមធ្យោបាយណាមួយ ដើម្បីបង្ខំឱ្យរដ្ឋទាំងអស់ប្រតិបត្តិតាមច្បាប់នេះឡើយ។ ជាទូទៅនៅក្នុងករណីប្រទេសមហាអំណាចជាអ្នកបង្កសង្គ្រាម ប្រទេសនោះមិនត្រូវបានគេដាក់ទណ្ឌកម្មនោះទេ។ ផ្ទុយទៅវិញ ប្រទេសតូចតាចនិងទន់ខ្សោយតែងតែទទួលរងការដាក់ទណ្ឌកម្មសង្គ្រាម។ ឧទាហរណ៍ ៖ លោក Slobodan Milosevic (១៩៤១-២០០៦) ដែលជាប្រធានាធិបតីសាធារណរដ្ឋសែប៊ី ពីឆ្នាំ១៩៨៩ដល់១៩៩៧ និង ជាប្រធានសហព័ន្ធសាធារណរដ្ឋយូហ្គោស្លាវី ពីឆ្នាំ១៩៩៧-២០០០ ត្រូវបានគេចោទប្រកាន់ជាឧក្រិដ្ឋជនសង្គ្រាម ហើយ ត្រូវបានគេកាត់ទោសតាមច្បាប់អន្តរជាតិស្ដីពីឧក្រិដ្ឋកម្មសង្គ្រាម។ ទណ្ឌកម្មសង្គ្រាមមានដូចតទៅ៖ ១-ការផ្ចាញ់តប (reprisal) ៖ ជាវិធានការដ៏ចំណាស់មួយនៅក្នុងចំណោមវិធានការនានានៃច្បាប់អន្តរជាតិ។ ការផ្ចាញ់តប គឺជាមធ្យោបាយមួយដើម្បីបង្ខំឱ្យបណ្ដារដ្ឋដែលឈ្លោះគ្នាទាំងអស់ប្រតិបត្តិតាមវិធាននៃការធ្វើសង្គ្រាម។ ក្នុងពេលថ្មីៗនេះការផ្ចាញ់តប ជារឿយៗធ្វើឱ្យរដ្ឋាភិបាលមានជម្លោះប្រតិបត្តិតាមវិធាននៃច្បាប់ស្ដីពីសង្គ្រាម។ ២- ការដាក់ទណ្ឌកម្មលើឧក្រិដ្ឋជនសង្គ្រាម (punishment of war criminals) ៖ ជនណាដែលមានកំហុសពីបទឧក្រិដ្ឋសង្គ្រាមអាចត្រូវបានចាប់ខ្លួននិងកាត់ទោស។ ក្រោយសង្គ្រាមលោកលើកទី២ មានឧក្រិដ្ឋជនសង្គ្រាមមួយចំនួនត្រូវបានគេឃុំខ្លួន និង ជនដែលគេរកឃើញថាមានកំហុសពីបទឧក្រិដ្ឋកម្មសង្គ្រាម ត្រូវបានគេកាត់ទោស។ នៅក្នុងចំណោមសវនការស្ដីពីបទឧក្រិដ្ឋកម្មសង្គ្រាម មានសវនការ នៅទីក្រុងនុយរ៉ុមប៊ែរ និង ទីក្រុងតូក្យូ។ ៣- សំណង (compensation) ៖ រដ្ឋមានជម្លោះមួយដែលរំលោភបំពានលើច្បាប់នានាដែលទាក់ទងទៅនឹងសង្គ្រាមអាចត្រូវបានបង្ខំឱ្យបង់សំណងសម្រាប់ការរំលោភបំពាននោះ។ មាត្រា៣នៃអនុសញ្ញាទីក្រុងឡាអេនាឆ្នាំ ១៩០៧ ចែងថា“ រដ្ឋមួយដែលបានរំលោភច្បាប់សង្គ្រាមអាចត្រូវបានបង្ខំឱ្យបង់សំណងចំពោះការរំលោភបំពាននោះ”។