ប្រាសាទព្រៃប្រាសាទ (ជាំក្សាន្ត), ប្រាសាទខ្លាដែង
អំពីប្រវត្តិសាងសង់ប្រាសាទនេះពុំមានឯកសារបញ្ជាក់ឡើយ។ ប្រាសាទនេះស្ថាបនាឡើងអំពីឥដ្ឋមានប្រាង្គមួយបែរមុខទៅទិសខាងកើតលំអដោយស៊ុមទ្វារនិងផ្តែរជាថ្មភក់។ ប្រាសាទហ៊ុំព័ទ្ធដោយកំពែងសង់អំពីថ្មបាយក្រៀម មានខ្លោងទ្វារមួយពីទិសខាងកើត ព្រមទាំងគូទឹកផងដែរ។ ការបំផ្លាញរបស់មនុស្សនិងធម្មជាតិបានធ្វើឱ្យប្រាសាទនេះទុ្រឌទ្រោមយ៉ាងខ្...
ប្រាសាទសុភាពជើង
ប្រាសាទជាស្នាដៃរបស់ព្រះបាទជ័យវរ្ម័នទី៧ នៅសតវត្សរ៍ទី១២។ ប្រាសាទនេះមានប្លង់ជាប្រភេទសាលាសំណាក់ ដែលមានរាងជារោងវែងសង់ពីថ្មបាយក្រៀម បង្អួចមានចម្រឹងមិនសូវមានក្បាច់លំអទេ។ ប្រាសាទមានកំពែងថ្មបាយក្រៀមព័ទ្ធជុំវិញ។ សាលសំណាក់នេះស្ថិតលើផ្លូវបុរាណអង្គរធំព្រះខ័នកំពង់ស្វាយ។
ប្រាសាទសំរោង
ប្រាសាទកសាងឡើងនៅសតវត្សរ៍ទី១០។ ប្រាសាទនេះសង់ពីថ្មបាយក្រៀមនិងឥដ្ឋមានប្រាង្គទោលបែរមុខទៅកើតតាមស៊ុមទ្វារថ្មភក់។ ប្រាង្គនេះមានសភាពបែកបាក់ប៉ុន្តែមានបន្សល់ទុកសិលាចារឹកមួយផ្ទាំងមាន១៤បន្ទាត់ ដែលប្រហែលជាយកមកពីប្រាសាទផ្សេង។
វត្តថ្មបីដុំ
វត្តដែលស្ថិតនៅភាគខាងត្បូងនៃភ្នំត្បែងមួយនេះ ក៏ស្ថិតនៅកម្ពស់ខ្ពស់ណាស់ដែរ ប៉ុន្តែមានផ្លូវជម្រេលជាង វត្តតាំងយូ និងវត្តដំបូកខ្មៅ។ វត្តនេះជាទីស័ក្ដិសិទ្ធមាន ព្រះវិហារស្រស់ស្អាត ត្រូវបានរាប់បញ្ចូលជាវត្តទេសចរណ៍គំរូ។ ប្រមាណជាងមួយគីឡូម៉ែត្រពីទីនេះ មានទីតាំងស័ក្តិសិទ្ធិមួយ ឈ្មោះថាពើងតាបសផងដែរ។
គ្រឹះប្រាសាទដងទង់ (ឆែប)
អំពីប្រវត្តិសាងសង់ប្រាសាទនេះពុំមានឯកសារបញ្ជាក់ឡើយ។ សំណង់ប្រាសាទមានប្រាង្គពីរធ្វើពីឥដ្ឋដែលរលំបាក់បែកសង់ខឿនមួយធ្វើពីថ្មបាយក្រៀម។ កំពែងព័ទ្ធជុំវិញធ្វើពីថ្មបាយក្រៀម មានខ្លោងទ្វារមួយស្ថិតនៅទិសខាងកើតនិងមានស្រះមួយ ស្ថិតនៅទិសឦសាន។
គ្រឹះប្រាសាទឈូក, គ្រឹះប្រាសាទវត្តខ្នារបស្ចិមគិរី
ប្រាសាទនេះលំបាកនឹងកំណត់អាយុកាលកសាង ប្រហែលជានៅសម័យកោះកេរ ហើយបានជួសជុលបន្ថែមនៅសម័យក្រោយ។ ប្រាសាទសង់ពីថ្មភក់ (អាចមានឥដ្ឋ?) មានប្រាង្គទោល សង់លើទីទួល ស្ថិតក្នុងបរិវេណវត្តដែលមានបន្សល់ត្រឹមសំណល់ត្រឹមគ្រឿងសំណង់ខ្លះប៉ុណ្ណោះ។
ប្រាសាទតាម៉ែន, ប្រាសាទតាមិញ
ប្រាសាទកសាងឡើងនៅសតវត្សរ៍ទី១០ ដូចប្រាសាទដទៃក្នុងតំបន់នេះដែរ។ ប្រាសាទនេះមានប្រាង្គមួយធ្វើពីថ្មភក់ បែរមុខទៅកើតនិងសសរពេជ្ររាងមូល។ ហោត្រៃពីរធ្វើពីថ្មបាយក្រៀម ហើយក៏មានកំពែងថ្មបាយក្រៀមប្រកបដោយខ្លោងទ្វារនៅទិសខាងកើត។ ប្រាសាទនេះមានប្រាង្គមួយរាងការ៉េធ្វើពីថ្មភក់ បែរមុខទៅកើត និងលំអដោយទ្វារបញ្ឆោតតាមជ្រុងផ្សេងទៀត...
ទំនប់ពហុបំណងរក្សា
ទំនប់ពហុបំណងរក្សា មានលទ្ធភាពផ្គត់ផ្គង់ទឹកស្រោចស្រពដំណាំកសិកម្មរបស់ប្រជាកសិករ នៅរដូវវស្សា បានចំនួនជាង ១៤៣ ពាន់ហិកតា និងនៅរដូវប្រាំង បានចំនួនជាង ២២ ពាន់ហិកតា។ ទំនប់នេះជាប្រភពដ៏សំខាន់សម្រាប់ផ្គត់ផ្គង់ទឹកស្អាត និងជួយកាត់បន្ថគ្រោះយទឹកជំនន់ និងគ្រោះរាំងស្ងួតផងដែរ។ ទំនប់រក្សាមានប្រវែងសរុបជិត៣គីឡូម៉ែត្រ អាច...
ប្រាសាទឈូក
អំពីប្រវត្តិសាងសង់ប្រាសាទនេះពុំមានឯកសារបញ្ជាក់ឡើយ។ ប្រាសាទមានប្រាង្គបីធ្វើអំពីឥដ្ឋរត់ជួរជើង-ត្បូង បែរមុខទៅកើតមានស៊ុមទ្វារមួយ និងលំអដោយទ្វារបញ្ឆោត នៅតាមជ្រុងផ្សេងទៀត។ មានគូទឹកមួយនិងកំពែងធ្វើពីថ្មភក់មានផ្លូវចូលពីខាងកើត។ មានត្រពាំងមួយឈ្មោះថា ត្រពាំងឈូក ស្ថិតនៅទិសឦសាន។
វត្តតាំងយូ
វត្តតាំងយូមានអាស្រមមួយដែលសង់បន្តើតលើថ្មមួយដុំធំ មើលឃើញ គួរស្ញប់ស្ញែង ប៉ុន្តែដំណើរទៅកាន់ទីនោះ ត្រូវមានការជូនដំណើរពីសហគមន៍ សេដ្ឋកិច្ចរុងរឿង ដែលស្ថិតនៅជើងភ្នំត្បែង (កូអរដោណេ 13.780888, 104.901652) ដែលជាអ្នកនាំផ្លូវឡើងភ្នំ ហើយគេត្រូវស្នាក់នៅតាមភ្នំមួយយប់។ មិនឆ្ងាយប៉ុន្មានពីទីវត្ត ក៏មានទឹកជ្រោះដ៏ស្រស់ស្អ...
ប្រាសាទគោល, ប្រាសាទអន្លង់គោល
ប្រាសាទកសាងនៅចុងសតវត្សរ៍ទី១០។ ប្រាសាទគោលមានប្រាង្គទោលរាងបួនជ្រុងស្មើធ្វើពីថ្មបាយក្រៀម សង់លើខឿនថ្មបាយក្រៀមនិងមានស៊ុមទ្វារធ្វើពីថ្មភក់។ ប្រាង្គនេះបែរទៅកើតមានយ៉មួយធ្វើពីថ្មបាយក្រៀមនិងមានស៊ុមទ្វារធ្វើពីថ្មភក់។ ហោត្រៃពីររាងចតុកោណកែង ធ្វើពីថ្មបាយក្រៀមដោយមានដំបូលធ្វើពីឥដ្ឋ។ ប្រាសាទហ៊ុំព័ទ្ធដោយកំពែងថ្មបាយក្...
ទឹកជ្រោះតាម៉ា
ទឹកជ្រោះតាម៉ា ជារមណីយដ្ឋាននៅលើខ្នងភ្នំត្បែងប្រកបដោយទេសភាពព្រៃភ្នំស្រស់ស្អាត មានទឹកធ្លាក់កម្ពស់ប្រហែល ៣០ម៉ែត្រ ដែលអាចជាទីដ៏សែនមនោរម្យសម្រាប់ការសម្រាក។ សម្រាប់ការធ្វើដំណើរគឺត្រូវដើរឡើងភ្នំកម្ពស់ប្រមាណជិត ៤០០ម៉ែត្រ ដើម្បីទៅដល់ទីតាំងនៃរមណីយដ្ឋានទឹកជ្រោះតាម៉ា។ ទីតាំងនេះមិនទាន់រៀបចំជាតំបន់ទេសចរណ៍ បានស្រួល...
គ្រឹះប្រាសាទឆ្អេះនិងស្រះម្លិះ
គេអាចបានត្រឹមសន្និដ្ឋានថា ជាប្រាសាទសង់នៅសតវត្សរ៍ទី១១។ ប្រាសាទសង់ពីឥដ្ឋស្ថិតក្នុងចន្លោះព្រៃឫស្សីដែលពិបាកលុកលុយចូល។ ប្រាសាទនេះមានប្រាង្គទោល បានលិចកប់ទៅក្នុងដីពាក់កណ្ដាល ដូចជាប្រាសាទដទៃក្នុងតំបន់នេះ។ ប្រាសាទស្ថិតលើគន្លងផ្លូវអង្គរធំទៅវត្តភូដែលជាផ្លូវបុរាណសម័យអង្គរ។ នៅជាប់នឹងផ្លូវកៅស៊ូតំបន់នេះមានបឹងធំមួយ...
ប្រាសាទត្រាំព្រាល, ប្រាសាទចេញ
ប្រាសាទប្រហែលជាសង់ឡើងនៅចុងសតវត្សរ៍ទី១០។ ប្រាសាទព័ទ្ធជុំវិញដោយកំពែងពីរជាន់ដែលក្នុងកំពែងទីមួយមាន ប្រាង្គបីរាងបួនជ្រុងស្មើធ្វើពីឥដ្ឋ សង់លើខឿន ធ្វើពីថ្មបាយក្រៀមលំអដោយថ្មភក់។ ប្រាង្គទាំងនេះបែរមុខទៅកើតតាមស៊ុមទ្វារធ្វើពីថ្មភក់និងលំអដោយ ទ្វារបញ្ឆោតតាមជ្រុងផ្សេងទៀត។ ប្រាង្គកណ្ដាលមានយ៉មួយធ្វើពីឥដ្ឋ។ កំពែងទីមួ...
ប្រាសាទអង្គ្រង
ប្រាសាទសង់ក្នុងរាជ្យព្រះបាទជ័យវរ្ម័នទី៧ នៅសតវត្សរ៍ទី១២។ ប្រាសាទនេះមានប្លង់ជាមន្ទីរពេទ្យ ដែលរួមមានហោបន់ស្រន់មួយសង់ពីថ្មបាយក្រៀមលំអដោយថ្មភក់និងហោត្រៃមួយធ្វើពីថ្មបាយក្រៀមស្ថិតនៅទិសអាគ្នេយ៍ កំពែងថ្មបាយក្រៀមព័ទ្ធជុំវិញនិងមានស្រះមួយនៅទិសឦសាន។
គ្រឹះប្រាសាទដូនកៅ
ប្រាសាទប្រហែលជាសាងសង់នៅសតវត្សរ៍ទី១០។ ប្រាសាទនេះមានប្រាង្គបីធ្វើពីឥដ្ឋ រត់ជួរជើង-ត្បូង និងបែរមុខទៅកើតតាមស៊ុមទ្វារថ្មភក់ ប៉ុន្តែបានរលំបាក់ទាំងស្រុង។ នៅប្រាសាទនេះមានសិលាចារឹក ៣ ផ្ទាំង។
ប្រាសាទតាបស
ប្រាសាទប្រហែលជាសង់នៅចុងសតវត្សរ៍ទី៩ ដើមសតវត្សរ៍ទី១០។ ប្រាសាទមានប្រាង្គទោលដែលធ្វើពីថ្មបាយក្រៀម សង់លើកូនភ្នំមួយ បែរមុខទៅកើតតាមស៊ុមថ្មភក់ជាមួយផ្ដែរមួយផ្ទាំង។ ប្រាង្គនេះលំអដោយទ្វារបញ្ឆោតតាមជ្រុងផ្សេងទៀតនិងសង់លើខឿនថ្មបាយក្រៀមមួយ។
គ្រឹះប្រាសាទគោកបេង, ប្រាសាទវត្តជ័យព្រឹក្ស
ប្រាសាទស្ថិតក្នុងបរិវេណវត្តគោកបេង ដែលសង់ឡើងនៅចុងសតវត្សរ៍ទី១០ បើយោងតាមប្រវត្តិប្រាសាទនេះ ថាជាស្នាដៃរបស់មេទ័ពម្នាក់តាមបញ្ជារបស់ព្រះបាទជ័យវរ្ម័នទី៤។ គាត់មានឈ្មោះ គោក ហើយនៅជិតប្រាសាទនេះមានដើមឈើបេងមួយយ៉ាងធំ ទើបបានជាគេដាក់ឈ្មោះប្រាសាទនេះថា ប្រាសាទគោកបេង។ ប្រាសាទរងការខូចខាតបាក់រលំ ហើយសព្វថ្ងៃនេះលើទីទួលនោះ...
ប្រាសាទក្រពុំឈូក
ប្រាសាទសង់ក្នុងរាជ្យព្រះបាទជ័យវរ្ម័នទី៧ នៅសតវត្សរ៍ទី១២។ ប្រាសាទនេះមានប្លង់ជាមន្ទីរពេទ្យ ដែលរួមមានហោបន់ស្រន់មួយលំអដោយថ្មភក់និងហោត្រៃមួយធ្វើពីថ្មបាយក្រៀមស្ថិតនៅទិសអាគ្នេយ៍ កំពែងថ្មបាយក្រៀមព័ទ្ធជុំវិញនិងមានស្រះមួយនៅទិសឦសាន។ តួប្រាសាទមានតម្កល់បដិមាព្រះនាងក្រពុំឈូកនៅក្រោយព្រះបដិមាមួយអង្គនៅមានសភាពល្អនៅឡើយ...
គ្រឹះប្រាសាទរើសត្រដោក
អ្នកស្រុកជឿថា ប្រាសាទនេះកាលដើមឡើយនៅល្អទេ តែត្រូវដំរីជាន់បាក់អស់។ ប្រាសាទសង់ក្នុងសម័យអង្គរបែរមុខទៅទិសខាងកើត មានគូទឹកមួយនៅខាងមុខប្រាសាទ ជើងទម្រផ្តែរមានលម្អដោយរូបព្រះឥន្ទគង់លើដំរីក្បាលបី។ គ្រឹះប្រាសាទបែកបាក់នៅសល់តែខ្លោងទ្វារនិងសំណល់វត្ថុបុរាណខ្លះៗ។
គ្រឹះប្រាសាទកំបុត
ប្រាសាទកសាងក្នុងសតវត្សរ៍ទី១០ ដែលជាប្រាសាទមានប្រាង្គមួយ សព្វថ្ងៃនេះ នៅសល់មេទ្វារបញ្ឈរបែរទៅទិសខាងកើត។ គ្រឹះប្រាសាទក្នុងព្រៃចម្ការដំឡូងលំបាកនឹងរុករកទៅដល់ មានចម្ងាយប្រមាណ ១០០០ម៉ែត្រពីផ្លូវ នាមាត់ស្រះធំមួយជាស្រះរបស់ប្រាសាទ។ នៅជិតប្រាសាទអ្នកស្រុកបានរើសយកសំណល់សំណង់បុរាណដាក់តម្កល់លើតូបអ្នកតាមួយ។ នៅលើមេទ្វារ...