ទេសភាពដ៏ស្រស់ស្អាតនៃទឹកជ្រោះតាតៃបានទាក់ទាញភ្ញៀវដោយការអភិរក្សធម្មជាតិ និងសត្វព្រៃ។ តាតៃជាទីចាប់អារម្មណ៍ដោយសារគេចូលចិត្តទស្សនាទេសភាពទឹកធ្លាក់ និងព្រៃឈើខៀវស្រងាត់នៃតំបន់ជុំវិញនោះ។ ទេសចរអាចប្រទះនឹងសត្វព្រៃ និងរុក្ខជាតិមួយចំនួនក្នុងដំណើរទៅកាន់ទីនោះ ដែលជាទីស្ទឹងបែកជាបួននិងដងស្ទឹងកាច់កុងពត់ពេនធ្វើឱ្យភ្ញៀវទេសចរគយគន់មិនចេះធុញទ្រាន់ ដូចជា អ័ព្ទប៉ប្រះទឹកនៅពេលព្រឹកជាដើម។ រមណីយដ្ឋានទេសចរណ៍នេះ មានឈ្មោះមួយទៀតថា ទឹកជ្រោះតាឥសី ផងដែរ។