រមណីយដ្ឋាន ចំការធូរេនអូរតង លេចមុខមកប្រណាំងប្រជែងជាមួយរមណីយដ្ឋានដទៃៗក្នុងតំបន់នេះជាប្រភេទ រមណីយដ្ឋានកសិទេសចរណ៍ ដែលមានទីតាំងស្រស់ស្អាត មានកន្លែងលេងទឹកថ្លាឈ្វង់ អមដោយផ្ទាំងថ្មក្រាលបាតស្ទឹង មានកន្លែងអង្គុយលម្ហែអមដងស្ទឹង និងកន្លែងថតរូបស្អាតៗ។ បន្ថែមពីនេះ រមណីដ្ឋានមានចំការផ្លែឈើចម្រុះដូចជា ទុរេន សាវម៉ាវ តាង៉ែន កៅស៊ូ ជាដើម។ នៅតាមមាត់ទឹកមានតូបបរិភោគអាហារ អាចសម្រាកលម្ហែ ជិះទូក ឬបោះតង់បានផងដែរ។