ទំនប់កូនមុំជាទីកម្សាន្តដែលមានតូបជាច្រើនសម្រាប់អង្គុយទស្សនាទេសភាព។ ទំនប់ទប់ទឹកធម្មជាតិមានជួលទូកអុំកម្សាន្ត និងមានសេវាម្ហូបអាហារផងដែរ។ ស្រុកកូនមុំ ដែលជាស្រុកមួយបំបែកចេញពីស្រុកលំផាត់កាលពីឆ្នាំ១៩៨៧ ហើយជាស្រុកមួយដាច់ស្រយ៉ាល និងក្រខ្សត់ជាងគេ។ ការសាងសង់ទំនប់ទឹកមួយកន្លែងនេះ ទុកសម្រាប់ប្រើប្រាស់និងក្លាយជាកន្លែងកម្សាន្ត ដូចជានៅរដូវបុណ្យភ្ជុំបិណ្ឌ មានការដាក់ធុងបាស់រាំកម្សាន្តសប្បាយទៀតផង។