អ្នកដែលទៅកម្សាន្តនៅទីនេះ ចាប់អារម្មណ៍នឹងល្អាងភ្នំធំតូចជាច្រើនសម្រាប់ការដើរកម្សាន្តជាមួយផ្ទាំងថ្មធំៗ ទេសភាពនៃព្រៃភ្នំ និង ធម្មជាតិព្រៃព្រឹក្សា។ ទេសចរអាចដើរកម្សាន្តតាមល្អាងនានានៃភ្នំថ្មកំបោរ ដែលភាគច្រើនបានរៀបចំជាទីសក្ការៈ។ នៅចង្កេះភ្នំ មានវត្តដែលជាកន្លែងប្រមូលផ្ដុំប្រជាពលរដ្ឋនៅពេលមានបុណ្យទាន។ ក្រៅពីល្អាងភ្នំនេះ ក្នុងទីវត្តក៏មានសំណង់ថ្មីៗជាច្រើនដែលជាសំណង់បែបព្រះពុទ្ធសាសនា។