វត្តទួលរាជាមានសំណង់ធំស្កឹមស្កៃដាច់គេបំផុតនៅក្នុងប្រទេសកម្ពុជា។ វត្តនេះមានសំណង់ព្រះពុទ្ធរូបដ៏ធំអាចមើលឃើញពីចម្ងាយ ហើយនិងរូបព្រះពុទ្ធបដិមាប្រក់នាគដ៏ធំមួយ គួរឱ្យស្ញប់់ស្ញែងនិងជាទីគោរពបូជារបស់ពុទ្ធសាសនិក។ នៅទីនេះក្រៅពីការកសាងនៅព្រះពុទ្ធបដិមាដ៏ធំទាំងពីរអង្គនេះ ក៏មានសំណង់ដទៃទៀតជាច្រើន ប៉ុន្តែជាការគួរឲ្យសោកស្ដាយ ទីនេះប្រែជាស្ងប់ស្ងាត់មិនសូវមានការថែទាំ ក្រោយពីកើតរឿងរ៉ាវរបស់អ្នកផ្ដួចផ្ដើមគំនិតកសាងវត្តនេះ គឺលោក ធាន វុទ្ធី។