ចេតីយដ៏ថ្មីសន្លាងមួយនៅក្នុងវត្តសុគន្ធារាមហៅវត្តស្គន់ ដែលសាងសង់ឡើងដោយក្រុមសាច់ញាតិរបស់សាកសព គឺដើម្បីធ្វើជាវិមានរំឭកវិញ្ញាណក្ខន្ធចំពោះជនរងគ្រោះដែលត្រូវបានសម្លាប់នៅទីតាំងសម្លាប់មនុស្សនៅក្បែរនោះ។ មានតែឆ្អឹងភ្លៅប៉ុណ្ណោះ ដែលត្រូវបានរៀបដាក់ជាជុង ជាធ្នឹម មានបែបបទជាបួនជ្រុង ទំហំ២ម៉ែត្រក្រឡា ដែលអាចបញ្ជាក់បានថា មានចំនួនជាច្រើនពាន់នាក់។ ក្នុងរយៈចម្ងាយប្រហែល៥០០ម៉ែត្រខាងលិចវត្ត គឺជាទីតាំងសម្លាប់មនុស្សដ៏ធំមួយដែលមានរណ្ដៅសាកសពជាច្រើន ប៉ុន្ដែឥឡូវបានប្រែក្លាយទៅជាចម្ការស្វាយចន្ទី។