រមណីយដ្ឋានអាងជីងចក់ គឺជាស្រះស្តុកទឹក សម្រាប់កសិករស្រោចស្រពដល់ដំណាំដែលត្រូវបានសាងសង់ឡើងតាំងពីទសវត្សឆ្នាំ១៩៤០ ក្នុងសម័យអាណានិគមបារាំង។ ទឹកនេះហូរមកពីភ្នំក្បាលដំរី ហើយហូរចូលទៅកាន់ស្រះទឹក ប្រកដោយធម្មជាតិពណ៌ខៀវស្រងាត់។ តំបន់នោះជាកោះពីរ មានទឹកព័ទ្ធជុំវិញ និងមានស្ពានឈើសម្រាប់ដើរឆ្លងបាន។ អាងទឹកនេះគឺមានក្រឡាផ្ទៃប្រហែល ៦០០០ម៉ែត្រការ៉េ។ ប៉ុន្តែក្នុងពេលបច្ចុប្បន្ន ទីនេះក្លាយជាកម្មសិទ្ធិឯកជន ធ្វើឱ្យមានភាពមិនច្បាស់លាស់ជាច្រើន។