រមណីយដ្ឋាននេះជាទួលក្នុងបឹងព័ទ្ធដោយដើមឈើធំៗ ជាទីដែលអ្នកស្រុកមានជំនឿថា ជាកន្លែងស័ក្តិសិទ្ធិ សម្រាប់ស្បថស្បែ។ ភ្លេងពិណពាទ្យត្រូវបានប្រគុំថ្វាយរៀងរាល់ថ្ងៃសីល ថ្ងៃបុណ្យ ឬថ្ងៃអាទិត្យដើម្បីសុំសេចក្តីសុខ។ បារាយណ៍អណ្ដែតជាកន្លែងបង់បត់ (ប្រជុំគ្រប់អ្នកតាតូច-ធំក្នុងខេត្តព្រៃវែង) ហើយក៏ជាចំណុចចាប់ផ្ដើមនៃដំណើរហែរអ្នកតាឆ្ពោះទៅកាន់តំបន់បាភ្នំផងដែរនៅមុនពេលចូលឆ្នាំខ្មែរ។