ប្រាសាទតូចមួយរាងការ៉េទំហំជ្រុង៣.៥ម. ធ្វើពីឥដ្ឋបែរមុខទៅកើត មានស៊ុមទ្វារធ្វើពីថ្មថ្លើមអណ្ដើក និងសសរពេជ្រ រាងមូល។ តាមទិសធំផ្សេងៗទៀតមានទ្វារបញ្ឆោត ហើយនៅក្នុងប្រាសាទសព្វថ្ងៃមានព្រះពុទ្ធរូប ព្រមទាំងសំណល់ វត្ថុបុរាណជាច្រើនទៀត។ ប្រាសាទនេះធ្លាប់ត្រូវបានជួសជុលជាច្រើនដង ដូចជាក្នុងសម័យព្រះបាទស៊ីសុវត្ថិជាដើម ជាពិសេសគ្រឿងដំបូលខាងលើ ដែលបានកែប្រែរាង ប៉ុន្តែតួប្រាសាទ និងផ្ដែររក្សាទុកដូចពីមុន។ អាយុកាលសាងសង់ប្រាសាទ គឺនៅសម័យមុនអង្គរ មានរចនាបថកោះកេរ។