តាមផ្លូវឡើងទៅលើភ្នំ ត្រង់ចំណុច គីឡូម៉ែត្រលេខ១០ ដែលមានទីសំណាក់ចតយានយន្តបាន មានថ្មជញ្ជាំងភ្នំ ដែលលយចេញ មានទម្រង់ជាមុខ ដែលគេហៅថា ផ្ទាំងថ្មមុខយក្សឬអ្នកថែរក្សាព្រៃ។ ទីនេះជាកន្លែងសម្រាប់ធ្វើការបន់ស្រន់សុំសេចក្ដីសុខសប្បាយចំពោះការធ្វើដំណើរនិងការប្រមាញ់សត្វរបស់ព្រានព្រៃ។ លើសពីនេះយើងអាចមើលឃើញទេសភាពស្រស់ត្រកាលនៃក្រុងកំពត និងសមុទ្រ។