នៅបរិវេណជុំវិញភ្នំរាប់បាត្រមានភ្នំថ្មជាច្រើន ដែលមានដុំថ្មតូចធំរកេតរកូត បង្កើតបានជា ទស្សនីយភាពមួយគួរឱ្យចង់ទស្សនា។ នៅតំបន់នោះក៏មានការបង្កើតជាកន្លែងកម្សាន្តឯកជនតូចៗ ជូនដល់ភ្ញៀវដែលចង់សម្រាកលំហែជាលក្ខណៈគ្រួសារ និងមានបម្រើសេវាម្ហូបអាហារផងដែរ។ ការធ្វើដំណើរតាមជើងភ្នំនៅម្ដុំនេះអាចឱ្យភ្ញៀវបន្ធូរអារម្មណ៍និងផ្លាស់ប្ដូរបរិយាកាសបំបាត់ការនឿយ ហត់បាន។