ទំនប់នេះសាងសង់ក្នុងគោលបំណងបម្រើដល់វិស័យកសិកម្ម មានធារទឹកធំ ជាបឹងអន្លង់ជ្រៃ ដែលមានប្រភពទឹកពីជូរភ្នំក្រវាញ។ ដោយសារវិសាលភាពទឹកដ៏ធំនេះ គេអាចកត់សម្គាល់បានទេសភាព ទឹកដ៏ធំល្វឹង ល្វើយ និងមុខទឹកជាច្រើនសម្រាប់បើកបង្ហូរ។ ទំនប់ធារាសាស្ត្រនេះមានទំហំធំជាងគេក្នុងខេត្ត កំពង់ស្ពឺ។ បើសិនជាក្រោយពេលទស្សនា គេចង់បន្តដំណើរ តាមខ្នងទំនប់ នោះគេអាចទៅដល់ទួលត្រាចនៃ ផ្លូវជាតិលេខ៥ ចន្លោះឧត្តុង្គ និងលង្វែក។