ព្រះចៅអធិការវត្តប្រាសាទស្រះកណ្ដាលហៅវត្តខ្ចាស់ បានជំរុញការរៀបចំប្រព័ន្ធអប់រំយ៉ាងល្អប្រសើរ ព្រមទាំងស្ថាបនាអារាមដ្ឋានឱ្យមានសោភ័ណភាពគួរជាទីជ្រះថ្លាចំពោះបូជនីយេសក៍ បង្កើតកម្មវិធីជួយគាំពារកិច្ចការសង្គម និងដឹកនាំភិក្ខុសង្ឃក្រោមឱវាទប្រមាណជិត២០០អង្គ។ ព្រះអង្គក៏មានគំរោងដឹកនាំកសាងព្រះពុទ្ធបដិមាអង្គធំកម្ពស់៨០ម៉ែត្រ មានអគារបីជាន់ជាសេនាសនៈសង្ឃដែលមិនធ្លាប់មានឡើយលើទឹកដីនៃព្រះរាជាណាចក្រកម្ពុជា ដោយមានការបូជារបស់ពុទ្ធបរិស័ទក្រៅ និងក្នុងប្រទេសយ៉ាងច្រើន។ វត្តនេះបានក្លាយជាវត្តទេសចរណ៍ប្រចាំខេត្តផងដែរ។