រមណីយដ្ឋាន «ទឹកធ្លាក់ឆាយប្រុយ» ដែលមានទឹកធ្លាក់កម្ពស់រហូតដល់ ៦០ម៉ែត្រ ជាតំបន់ទេសចរណ៍ធម្មជាតិ ត្រូវបានគេចាត់ទុកជាកំណប់ពិសេស ដែលភ្ញៀវអាចលេងកម្សាន្តសប្បាយ និងមានខ្យល់អាកាសល្អ អមដោយព្រៃឈើជាច្រើនផងដែរតាមដងស្ទឹងឫស្សីជ្រុំ។ ទីនេះគឺជាសម្បត្តិធម្មជាតិមួយរបស់សហគមន៍អូរសោម ព្រោះទឹកធ្លាក់នេះនៅមានសម្រស់ធម្មជាតិច្រើន ទឹកស្អាត ហើយភ្ញៀវអាចមកហែលទឹកផង និង ស្ទូចត្រីកម្សាន្តលេងយ៉ាងសប្បាយរីករាយ។