ស្រះឈូក កំពត ឬក៏គេច្រើនហៅថា ស្រះឈូក ជាស្រះទឹកបុរាណមួយដែលកំពុងមានភាពទាក់ទាញយ៉ាងខ្លាំង បន្ទាប់ពីអាជ្ញាធរអភិវឌ្ឍន៍ឱ្យក្លាយជា រមណីយ៍ដ្ឋានដ៏ស្រស់ត្រកាល។ មនុស្សម្នាបានទៅសម្រាកលំហែកាយនៅទីកន្លែងនោះជាច្រើនហូហែរ ជាពិសេសគឺភ្ញៀវទេសចរដែលបានឆ្លងកាត់ និងសម្រាកក្នុងខេត្ត ជាពិសេសនៅពេលរសៀលល្ងាច។ ទីនេះមានខ្យល់អាកាសបរិសុទ្ធ ជាស្រះពោរពេញដោយដើមឈូកដុះរហង់ គួរជាទីចាប់អារម្មណ៍។