កំពង់ផែស្វយ័តក្រុងព្រះសីហនុរបស់កម្ពុជា ជាកំពង់ផែមានលក្ខណៈអន្តរជាតិ ដែលមានតួនាទីដ៏សកម្មជាច្រកទ្វារសេដ្ឋកិច្ចអន្តរជាតិ ក្នុងការជួយសម្រួលដល់ការនាំចេញ នាំចូលទំនិញគ្រប់ប្រភេទពីប្រទេសកម្ពុជា។ បរិមាណទំនិញដែលឆ្លងកាត់កំពង់ផែក្រុងព្រះសីហនុ បានកើនឡើងជាបន្តបន្ទាប់ ដោយបានលើកដាក់ទំនិញជាង ២លាន តោន នៅឆ្នាំ២០១០ និងជាង ៣ លានតោន នៅឆ្នាំ២០១៤ ហើយក៏ចេះតែកើនឡើងជាបន្តបន្ទាប់។