ទីវាលព្រៃលិចទឹកដែលពីមាត់ទន្លេនៃស្រុកកោះធំ បន្តមកកាន់ទីទួលនៃស្រុកព្រៃកប្បាសនេះ បានក្លាយជាតំបន់ទេសចរណ៍មួយ ទោះមិនទាន់មានអ្នកស្គាល់ច្រើនឬចុះក្នុងបញ្ជីនៅឡើយ។ នាវេលាល្ងាចត្រជាក់អ្នកស្រុកនៅតំបន់នេះបានមកលេងកម្សាន្ត ស្រូបយកខ្យលអាកាស ហើយមានលក់ដូរចំណីបន្តិចបន្តួចតាមដងផ្លូវ។ ទីនេះមានសក្ដានុពលនឹងក្លាយជាតំបន់ទេសចរណ៍ទៅថ្ងៃអនាគត។