ទឹកធ្លាក់រមនា១
ទិដ្ឋភាពធម្មជាតិនៅជុំវិញទីនេះស្រស់ត្រកាលណាស់ ព្រោះមានព្រៃព្រឹក្សា តាមដងអូរនៃជ្រលងភ្នំ ហើយមិនតែប៉ុណ្ណោះនៅតំបន់នេះមានទឹកធ្លាក់ជាច្រើនកន្លែង។ ប៉ុន្តែសព្វថ្ងៃ ទីតាំងនេះស្ថិតក្នុងការគ្រប់គ្រងឯកជន ដែលមិនទាន់មានគម្រោងអភិវឌ្ឍបែបណានៅឡើយ។ ទឹកធ្លាក់រមនាទី១មានមុខកាត់ជាង ៦ ម៉ែត្រនិងទឹកធ្លាក់កម្ពស់ជិត ៦ ម៉ែត្រ។ ទ...
ប្រាសាទកន្សែង
ប្រាសាទនេះជាស្នាដៃរបស់ព្រះបាទជ័យវរ្ម័នទី៧ នៅសតវត្សរ៍ទី១២។ ប្រាសាទនេះមានប្លង់ជាប្រភេទសាលាសំណាក់ ដែលមានរាងជារោងវែងសង់ពីថ្មបាយក្រៀម បង្អួចមានចម្រឹងមិនសូវមានក្បាច់លំអទេ ហើយមានស្រះរាងការ៉េមានគែមស្រះ ជាថ្មបាយក្រៀម។ ប្រាសាទនេះក្លាយជារណបមួយនៃប្រាសាទបឹងមាលា ដែលស្ថិតនៅក្នុងប៉ែកខាងលិចអមផ្លូវចូល។
វត្តហ្លួង, វត្តហ្លួងស៊ីសុវត្ថិរតនារាម
វត្តនេះត្រូវបានកសាងឡើងដោយព្រះមហាក្សត្រមួយអង្គ គឺព្រះបាទស៊ីសុវត្ថិ នឹងបានប្រសិទ្ធិនាមថា វត្តហ្លួងស៊ីសុវត្ថិរតនារាម។ វត្តនេះស្ថិតនៅលើត្រើយស្ទឹងមង្គលបុរីខាងកើតគឺម្ខាងទៀតធៀបនឹងវត្តឫស្សីក្រោក។ វត្តនេះក៏ត្រូវបានចាត់ចូលជាវត្តទេសចរណ៍ប្រចាំខេត្តផងដែរ។ វត្តមានកសាងព្រះវិហារបែបបុរាណមានហប់ ដែលជារោងបិទជិតលយទៅខាងម...
ប្រាសាទបេង, ប្រាសាទផ្លែបេង
ប្រាសាទកសាងឡើងនៅសតវត្សរ៍ទី១០ ដូចប្រាសាទដទៃក្នុងតំបន់នេះដែរ។ ប្រាសាទមានលានមួយធ្វើពីថ្មភក់, មានបល្ល័ង្គពីរនិងខ្លោងទ្វារកំពែងធ្វើពីថ្មបាយក្រៀមដែលមានច្រកទ្វារកណ្ដាលនិងច្រកទ្វារពីរអមសងខាង។ ប្រាសាទនេះមានអគារពីរដែលមានស៊ុមទ្វារធ្វើពីថ្មភក់។
ទឹកធ្លាក់តាចាត
ទឹកជ្រោះសហគមន៍ តាចាត ជារមណីយដ្ឋានធម្មជាតិថ្មីមួយ ដែលកំពុងពេញនិយមសម្រាបភ្ញៀវ។ នៅតំបន់នេះ មានទឹកហូរល្មម ប្រៀបដូចអាងទឹក អាចលោតលេងនិងហែលយ៉ាងសប្បាយរីករាយ។ ទន្ទឹមនឹងនេះក៏មានព្រៃឈើតូច-ធំ ក្រាស់ក្រែល ដែលបង្កើតជាបរិយាកាសខ្យល់បរិសុទ្ធ គួរជាទីសម្រាកលំហែលំហើយ។ ភ្ញៀវអាចវេចខ្ចប់អាហារខ្លួនឯងមកបរិភោគឬកុម្ម៉ង់ម្ហូបន...
ទំនប់អាងម្កាក់
ទំនប់បឹងម្កាក់នៅស្រុកជីក្រែងដែលបម្រើវិស័យកសិកម្មកំពុងក្លាយជាកន្លែងកម្សាន្តបែបធម្មជាតិ។ ទំនប់បឹងម្កាក់ជាជំនួយរបស់ប្រទេសចិនអាចស្តុកទឹកបានរាប់លានម៉ែត្រគីប។ ទីនេះបានក្លាយជាគោលដៅទេសចរណ៍មួយថ្មី មានតូបសម្រាក និងលក់ដូរនំចំណី អាហារបែបធម្មជាតិ ដើម្បីបម្រើដល់អ្នកទេសចរណ៍ដែលទៅកម្សាន្ត។ ភ្ញៀវអាចជិះទូកកម្សាន្តក្នុ...
ស្តូបវត្តចំពុះក្អែក, ស្តូបវត្តមុនីសុវណ្ណ
រណ្ដៅសាកសពជាច្រើននៅក្នុងវត្តចំពុះក្អែក ត្រូវបានគាស់កាលពីអំឡុងឆ្នាំ១៩៨០ ហើយឆ្អឹងលលាដ៏ក្បាល និងឆ្អឹងអវៈយវៈរាប់ពាន់ដែលគាស់បាន ត្រូវប្រជាជនជញ្ជូនយកទៅដាក់នៅបូជនីយដ្ឋាន មួយកន្លែងស្ថិតនៅក្នុងបរិវេណវត្ត។ មានខ្នោះឃ្នាងជាច្រើន បានត្រូវដាក់ព្យួរតាមរបាជញ្ជាំងដែលធ្វើ ពីលួសសំណាញ់ពទ្ធ័ជុំវិញអដ្ឋិធាតុ។ នរណាក៏អាចមើល...
ព្រះវិហារវត្តគោកខ្សាច់
ព្រះវិហារបុរាណដែលស្ថិតនៅក្នុងវត្តនេះក៏ដូចជាព្រះវិហារនៃវត្តស្វាយមាសដែរ មានរចនាបថចំណាស់ ដោយត្រូវបានជួសជុលនិងលាបលនសាជាថ្មី និងរក្សាទ្រង់ទ្រាយដើមទាំងអស់។
ក្រុងបានលុង
ខេត្តរតនគិរីបង្កើតឡើងក្នុងឆ្នាំ១៩៥៩ ដោយសម្ដេចព្រះនរោត្តម សុរាម្រិត មានទីតាំងរដ្ឋបាលដំបូងនៅស្រុកបរកែវ បន្ទាប់មកនៅស្រុកលំផាត់ ហើយក្រោយឆ្នាំ ១៩៧៩ លើកមកវើនសៃ រួចទើបចុងក្រោយបំផុតមកក្រុងបានលុងសព្វថ្ងៃ។ ឈ្មោះខេត្តផ្សារភ្ជាប់ទៅនឹងតំបន់ដែលសម្បូរដោយរ៉ែត្បូងពណ៌លឿង នៅបរកែវ និងជាតំបន់ខ្ពង់រាបមានភ្នំជាច្រើន។ ខេត្...
គ្រឹះប្រាសាទរាមកេរ្តិ៍
ធៀបនឹងប្រាសាទដងទង់ដែលនៅជិតគ្នាប្រាសាទនេះមានប្រាង្គច្រើនជាង តែត្រូវបាក់រលំអស់ខ្លាំងជាងប្រាសាទដងទង់ទៅទៀត។
វត្តពិភិទ្ធារាម
វត្តពិភិទ្ធារាមគឺជាវត្តដ៏ចំណាស់មួយក្នុងចំណោមវត្តនានាក្នុងខេត្តបាត់ដំបង។ វត្តពិភិទ្ធារាមនេះ បានកសាងឡើងក្នុងឆ្នាំ១៨៧៣ លើទឹកដីរបស់ តារស់ ដែលគាត់បានប្រគេនដល់សង្ឃ។ ពាក្យថា ពិភិទ្ធ គឺជាងារបស់តារស់ជាម្ចាស់ដីនាសម័យនោះ ដូច្នេះអ្នកភូមិក៏ហៅវត្តពិភិទ្ធារាមតាមងារបស់គាត់រៀងមក។ នៅចំកណ្ដាលមាន ព្រះវិហារឈើមួយដ៏ធំស្កឹ...
ប្រាសាទព្រះលានស្ដេចគំលង់
ប្រាសាទសង់ក្នុងរាជ្យព្រះបាទជ័យវរ្ម័នទី៧ នៅសតវត្សរ៍ទី១២។ ព្រះលានស្ដេចគំលង់ មានគ្រឹះប្រវែង ២៥ម៉ែត្រ និង មានកម្ពស់ ៦ម៉ែត្រ។ ឈ្មោះនៃព្រះលាននេះ គឺយោងទៅតាមរូបសំណាកមួយនៅលើរានហាលនៃព្រះលាន។ រូបសំណាកនោះអង្គុយលុតជង្គង់ ហើយមានអ្នកខ្លះយល់ថា ព្រះបាទជ័យវ័រ្មនទី៧ កើតឃ្លង់ ទើបបានជាព្រះអង្គសាងសង់មន្ទីរពេទ្យជាច្រើន។ ប...
ព្រះវិហារប៉ាទ្រី
សំណង់វិហារសាសនាគ្រីស្តចាស់មួយ ដែលប្រហែលជាសាងសង់ក្នុងសម័យអាណានិគមបារាំង។ ព្រះវិហារកាតូលិកមួយនេះត្រូវបាក់បែកដំបូល តែនៅសល់រូបរាងអាចសម្គាល់បាន ហើយត្រូវបានជួសជុលឡើងវិញដោយសមាគម គ្រឹស្ត សាសនិកកាតូលិក។ គួរកត់សម្គាល់ថា ក្នុងសម័យកម្ពុជាប្រជាធិបតេយ្យ សំណង់វិហារសាសនាគ្រីស្តជាច្រើនត្រូវបានបំផ្លាញ នៅសល់ចំនួនតិចតួ...
ទឹកជ្រោះផ្អោក
រមណីយដ្ឋានធម្មជាតិ ជ្រោះផ្អោក គឺជារមណីយដ្ឋានដែលបានបង្កើតឡើងនៅឆ្នាំ២០០០ ដែលមានទីតាំងជិតច្រកព្រំដែនភ្នំដិន។ រមណីដ្ឋាននេះនៅរដូវវស្សា មានទឹកជ្រោះធ្លាក់ច្រើនពីលើភ្នំ និងនៅរដូវប្រាំង គឺពុំសូវមានទឹកធ្លាក់ទេ ហើយរមណីយដ្ឋាននេះក៏សំបូរផងដែរនូវ ដំណាំហូបផ្លែ ដូចជាខ្នុរ ចេក ដំឡូង ស្វាយ។ល។ ពិសេសទៀត នោះនៅទីនោះក៏មានល...
ប្រាសាទទ្រុងលលក, ប្រាសាទតាផូ
អំពីប្រវត្តិសាងសង់ប្រាសាទនេះពុំមានឯកសារបញ្ជាក់ឡើយ។ ប្រាសាទរាងបួនជ្រុងស្មើធ្វើពីថ្មបាយក្រៀមបែរមុខទៅកើត មួយផ្នែកសង់ភ្ជាប់ទៅពើងថ្ម។ នៅមុខខាងកើតមានយ៉មួយភ្ជាប់ ទៅមណ្ឌបធ្វើពីថ្មបាយក្រៀម រាងជាចតុកោណកែង។ ប្រាសាទរងការបំផ្លាញដោយការជីកកកាយមានគំនរឥដ្ឋនៅក្នុងកំពែងខាងក្នុងផ្នែកខាងលិច។
វត្តកណ្ដាល, វត្តវិបុលត្ថារាម
វត្តវិបុលត្ថារាម ហៅវត្តកណ្ដាល ត្រូវបានកសាងឡើងប្រហែលជាក្នុងទសវត្សរ៍ឆ្មាំ១៨០០ ដែលកាលគេបានកាប់ឆ្ការព្រៃសាងសង់ជាសាលាបុណ្យមួយខ្នងធ្វើអំពីឈើប្រក់ស្លឹកនិងកុដិតូចៗមួយចំនួន។ ហេតុដែលនាំឱ្យហៅថា វត្តកណ្ដាល ដោយសារវត្តស្ថិតនៅចំកណ្ដាលនៃវត្តពីរគឺ វត្តពោធិ៍ក្នុង និងវត្តសង្កែឬហៅម៉្យាងទៀតថាវត្តថ្មី។ លុះក្រោយមក ព្រះសង្...
ប្រាសាទអ្នកតា
ប្រាសាទសង់នៅដើមសតវត្សរ៍ទី៩ ក្នុងរជ្ជកាលព្រះបាទជ័យវរ្ម័នទី២ ឧទ្ទិសដល់ព្រហ្មញ្ញសាសនា។ ប្រាសាទសង់ពីឥដ្ឋរាងបួនជ្រុងស្មើ សង់លើខឿនមួយមានជណ្តើរខាងលិច គឺប្រាសាទបែរមុខទៅលិច និងមានទ្វារបញ្ឆោតនៅជ្រុងផ្សេងទៀត។ ប្រាសាទមានស្នាទ្រោណី និងមានផ្តែរមួយធ្លាក់គ្រុឌជិះលើនាគ និងមានសសរស្តម្ភរាងប្រាំបីជ្រុង។
វត្តគិរីរម្យ (ចាស់)
វត្តមហាវ័ន គិរីរម្យចាស់ ជាវត្តដែលបានកសាងឡើងដំណាលនឹងសំណង់នានាលើកំពូលភ្នំនេះ នាសម័យ សង្គមរាស្ត្រនិយម។ សំណង់ថ្មីដ៏ធំមួយជាព្រះចេតិយត្រូវបានកសាងឡើងឡើង នាទីវត្តនោះ។
ស្ដូបវត្តជុំគ្រៀល
ចេតីយសង់អំពីឈើមួយត្រូវបានសាងសង់សម្រាប់ដាក់តម្កល់អដ្ឋិធាតុជនរងគ្រោះ ដែលបានដឹកជញ្ជូននាំមកពីរណ្ដៅសាកសពក្នុងស្រុកកំពត។ អដ្ឋិធាតុដែលបាននាំមកដាក់តម្កល់នៅទីនេះ ពុំមានចំនួនច្រើនប៉ុន្មានទេ។ ខ្នោះជើង មួយចំនួន ក៏ត្រូវបានប្រមូលមកដាក់នៅក្នុងមន្ទីរបូជនីយដ្ឋាននេះដែរ។
ព្រះវិហារវត្តចិនដំដែកជើង, ព្រះវិហារវត្តពិភទ្ទរង្សី
វត្ត ពិភទ្ទរង្សី ហៅវត្ត ចិនដំដែកខាងជើង។ ព្រះវិហារដ៏វ័យចំណាស់នៃវត្តនេះ កសាងឡើង ក្នុងឆ្នាំ ១៨៨៧ (អាយុកាលបច្ចុប្បន្ន១៣៣ឆ្នាំ) ក្នុងរជ្ជកាលសម័យ ឧដុង្គ ហើយជាពិសេសផ្ទាំងគំនូរបុរាណនៅក្នុងវិហារមួយនេះ គឺមានអាយុកាលរាប់រយឆ្នាំមកហើយ។ ខាងត្បូងវត្តនេះមានវត្តព្រះពុទ្ធឃោសាចារ្យ ហៅចិនដំដែកខាងត្បូង។
កៀនស្វាយ
រមណីយដ្ឋាននេះមានសម្រស់ស្រស់ស្អាត អមជុំវិញខ្ពបទន្លេមេគង្គ ដែលហូរកាត់តំបន់នេះ នាំជីជាតិស្រោចស្រប់ចម្ការដំណាំច្រើនប្រភេទ។ កៀនស្វាយជាឈ្មោះស្រុកមួយនៃខេត្តកណ្ដាល មានខ្ពបមួយ ដែលកាលពីមុនវាមិនមែនជារមណីយដ្ឋានទេ ទើបតែចាប់ផ្តើមបន្ទាប់ពីឆ្នាំ ១៩៧៩ និងមានការទៅលេងកម្សាន្តនៅវត្តកៀនស្វាយក្រៅជាញឹកញាប់ ទើបទីនេះបានក្លា...